Free Shipping Nationwide over Rs. 7,000 Order!

+92537600500 | +92 344 9006366 | +92 344 0592879

Free Shipping Nationwide over Rs. 7,000 Order!

+92537600500 | +92 344 9006366 | +92 344 0592879

Products search

Home
New Arrivals
Islamic Books
Self Development
Psychology
Historical
CSS / PMS
How to PAY?
Contact Us

Home / Authors / KRISHAN CHANDAR / AIK AURAT HAZAR DIWANE ایک عورت ہزار دیوانے

AIK AURAT HAZAR DIWANE ایک عورت ہزار دیوانے

₨ 500

Categories: KRISHAN CHANDAR, Novel

Author: KRISHAN CHANDAR
Pages: 232
ISBN: 978-969-662-295-6

AIK AURAT HAZAR DIWANE ایک عورت ہزار دیوانے quantity

✍ کرشن چندر
کوور لاج، چار بنگلہ، اندھیری، بمبئی
30 مارچ 1960ء

لیجیے میرا نیا ناول ”ایک عورت ہزار دیوانے“ آپ کے ہاتھوں میں ہے۔ دراصل اسے منصہ شہود پر لانے کا فخر حضرتِ خوشتر گرامی کو ہے جنھوں نے بصد اصرار یہ ناول مجھ سے لکھوایا۔ اسے قسط وار بیسویں صدی کے صفحات پر پیش کیا اور پھر صوری خوبیوں سے آراستہ کر کے اپنے ادارے سے کتابی شکل میں شائع کیا۔ اِس اُردو آزار زمانے میں برادرم خوشتر گرامی جس طرح اُردو ادب کا پرچم بلند کیے ہوئے ہیں وہ قابلِ صد ستائش ہے۔ آنے والی نسلیں اِن کی اُردو دوستی اور ادب نوازی کو ہمیشہ احترام سے یاد کریں گی۔
میں یہاں قارئینِ ”بیسویں صدی“ کا بھی شکریہ ادا کرنا چاہتا ہوں جنھوں نے ہزاروں کی تعداد میں اس ناول کے ارتقا میں اپنی بڑھتی ہوئی دلچسپی ظاہر کی اور مدیرِ ”بیسویں صدی“ کو اور مجھے بھی خط لکھ کر اپنی قیمتی آرا اور مشوروں سے نوازا۔ میرے دل میں اُن قارئین کے مشوروں کی بڑی قدر و منزلت ہے۔ میں اُنھیں گہری نظر سے دیکھتا ہوں، پڑھتا ہوں، اُن پر غور کرتا ہوں اور کوئی بات مجھے جچ جاتی ہے تو اُس پر عمل بھی کرتا ہوں۔ کیونکہ میں سمجھتا ہوں کہ ایک ادیب اور اس کے پڑھنے والوں کے درمیان ایک گہرا رشتہ ہوتا ہے اور یہ رشتہ جتنا مضبوط ہوتا ہے اُتنی ادیب کے اندر تخلیقی قوتیں بیدار ہوتی ہیں اور اُسے آگے بڑھنے کا حوصلہ دلاتی ہیں۔
ادب کا عمل شروع ہی سے پیچیدہ اور مرکب رہا ہے۔ یہ دو طرفہ عمل ہے۔ ایک طرف ادیب ہے، دوسری طرف اُس کے پڑھنے والے۔ اگلے وقتوں میں یہ عمل اتنا پیچیدہ نہ تھا۔ اُس زمانے میں ناول نگار نہیں ہوتے تھے۔ داستان گو ہوتے تھے، جو کسی گلی کے چوک میں، کسی دیوان خانے کی مہذّب فضا میں یا کسی برگد کی ٹھنڈی چھائوں میں، سننے والوں کو اکٹھا کر لیتے تھے۔ دو ڈھائی گھنٹے کی محفل رہتی تھی۔ داستان گو اپنی بات کہتا تھا اور وہیں اپنے سننے والوں سے جزا یا سزا پا لیتا تھا لیکن آج کی دُنیا داستان گوئی کی اُس پرانی ڈگر سے بہت آگے نکل چکی ہے۔ اب پریس، اخبار، رسالے اور کتاب کا زمانہ ہے۔ ادیب کتاب لکھتا ہے، اُسے پبلشر کے حوالے کر دیتا ہے۔ پبلشر کتاب چھاپتا ہے، اُسے بک سیلر کے حوالے کر دیتا ہے۔ گاہک بک سیلر کی دُکان پر آتا ہے۔ قیمت ادا کرتا ہے۔ کتاب لے جاتا ہے اور قصّہ ختم ہو جاتا ہے۔ ہر گاہک کتاب خریدتے وقت یہ نہیں جان سکتا کہ کتاب کیسی ہے؟ ادیب یہ نہیں جان سکتا کہ پڑھنے والے کے تاثرات کیا ہیں؟ آج کے ادیب کو قاری تک پہنچنے کے لیے کئی مرحلے، کئی منزلیں اور کئی مدارج طے کرنے پڑتے ہیں۔ لیکن اُن کے بھی حل نکالے جا سکتے ہیں۔
ایک طریقہ تو سیریل ناول کا ہے جس سے فوری طور پر قارئین کا تاثر معلوم ہو سکتا ہے۔ دوسرا طریقہ خطوں کا ہے۔ یعنی پڑھنے والے ناول پڑھیں اور ناول نگار کو اُس کی خوبیوں اور خامیوں سے آگاہ کریں۔ اِس سے کوئی غرض نہیں ہے کہ اُن کی زبان ایک ادیب کی سی زبان ہو۔ وہ اپنے تاثرات اپنے طریقے سے ٹوٹی پھوٹی زبان ہی میں بیان کر کے ناول نگار تک پہنچا سکتے ہیں۔ میں اس طریقے کو بہت پسند کرتا ہوں۔ کیونکہ میں عوام کے لیے لکھتا ہوں۔ صرف چند مخصوص، بے حد پڑھے لکھے انٹلیکچویل لوگوں کے لیے نہیں لکھتا جو ایک بات کہتے وقت سو بار اپنے ہونٹوں کو خمیدہ کرتے ہیں اور جن کی بات کو سمجھنے کے لیے سو بار ڈکشنری دیکھنی پڑتی ہے۔ جو عوام سے دُور اپنی ذات کے مَرمَریں گنبد میں الگ تھلگ زندگی بسر کرتے ہیں۔ جنھیں عوام کے مسائل سے کوئی دلچسپی نہیں۔ جن کی زندگی میں کوئی جذبہ نہیں۔ کوئی عزم پیکار نہیں۔ نہ اپنے مُلک کی بہتری کے لیے نہ اپنی قوم کی بہبودی کے لیے۔ جو نہ کسی سے محبت کریں نہ کسی سے نفرت۔ نہ کسی کے مرنے پر روئیں نہ کسی کے خوش ہونے پر ہنسیں۔ بلکہ زندگی کے ہر مسئلے کو ماؤنٹ ایورسٹ کی بلندی پر چڑھ کر دیکھا کریں اور کبھی کبھار حقارت سے ہونٹ سُکیڑ کر ایسے خشک، بے رس، فلسفیانہ فقرے کَس دیں جن سے سُوکھے ہوئے آلوئوں کی سی بُو آتی ہو۔
میرا اعتقاد زندگی سے کٹے ہوئے ایسے تمام دانشوروں سے اُٹھ چکا ہے۔ میں اُن کی رائے سے کہیں زیادہ عوام کی رائے کو وقیع سمجھتا ہوں اور اپنے پڑھنے والوں کی تنقید پر غور کرتا ہوں جو سیکڑوں کی تعداد میں ہر ماہ مجھے لکھا کرتے ہیں۔ اس سے ادیب کو اپنے پڑھنے والوں کی مجموعی رائے کا علم ہوتا ہے اور پڑھنے والے بھی خطوط کے ذریعے اپنے شکوک دُور کرنے کی غرض سے اختلافی اُمور کے بارے میں مجھ سے وضاحت طلب کر سکتے ہیں۔
اُمید ہے اس ناول کو پڑھ کر بھی آپ مجھے اس کی خوبیوں اور خامیوں سے آگاہ کرتے رہیں گے اور میرا اور آپ کا یہ رشتہ روز بروز مستحکم ہوتا جائے گا۔ میںنے اِس ناول کا مواد بھی زندگی سے اکٹھا کیا ہے۔
اس ناول کا مرکزی کردار ایک حَسین خانہ بدوش لڑکی ”لاچی“ ہے۔ جس کا قبیلہ آج اس بیسویں صدی میں بھی ہزاروں برس پُرانی زندگی کی ڈگر پر چل رہا ہے۔ بمبئی کے مضافاتی اسٹیشنوں کے اِردگرد اکثر ایسے خانہ بدوش قبیلے آتے جاتے رہتے ہیں اور اپنی عجیب اور دلچسپ زندگی سے کچھ دنوں کے لیے فضا کو رنگین بنا جاتے ہیں۔ یہ ناول ایک ایسے ہی خانہ بدوش قبیلے اور اُس قبیلے کی ایک بہادر لڑکی کی داستان ہے جو ہر قدم پر زندگی کی عظمت کا ثبوت پیش کرتی ہے۔

JUSTAJOO KA SAFAR جستجو کا سفر
₨ 1,000 Add to cart
AE RAHY HAQ K SHAHEEDO
₨ 700 Add to cart
Sale!
TAREEK RAAHON KAY MUSAFIR تاریک راہوں کے مسافر
Original price was: ₨ 1,500.Current price is: ₨ 1,050. Add to cart

Facebook
Instagram

© 2024 Munawar Book Store. All Rights Reserved. Developed by Ninja Softs

Products search